മു​ല്ല​പ്പെ​രി​യാ​ർ അ​ണ​ക്കെ​ട്ട് തുറന്നു

ഇ​ടു​ക്കി: മു​ല്ല​പ്പെ​രി​യാ​ർ അ​ണ​ക്കെട്ട് തുറന്നു. ഡാമിന്റെ മൂന്ന് ഷട്ടറുകൾ 30 സെ​ന്‍റി​മീ​റ്റ​ർ തുറന്ന് വെള്ളം പുറത്തേക്കൊഴുക്കി . ആ​ദ്യ ര​ണ്ട് മ​ണി​ക്കൂ​റുകളിൽ 534 ഘ​ന​യ​ടി വെ​ള്ളമാണ് പുറത്തേക്കൊഴുക്കുക. ര​ണ്ട് മ​ണി​ക്കൂ​റി​ന് ശേ​ഷം 1,000 ഘ​ന​യ​ടി​യാ​യി വെള്ളത്തിന്റെ അളവ് ഉ​യ​ർ​ത്തും. അണക്കെട്ടുകൾ തുറക്കുന്നതിന്റെ എല്ലാ മുൻകരുതലുകളും സ്വീകരിച്ചുട്ടെണ്ടെങ്കിലും ജനങ്ങൾ ജാഗ്രത പാലിക്കണമെന്ന് മ​ന്ത്രി റോ​ഷി അ​ഗ​സ്റ്റി​ൻ അ​റി​യി​ച്ചു.

നിലവിലെ മു​ല്ല​പ്പെ​രി​യാ​റി​ന്റെ ജ​ല​നി​ര​പ്പ് 137.45 അ​ടി​യാ​ണ്. ഇത് സംബന്ധിച്ച് മുഖ്യമന്ത്രി പിണറായി വിജയൻ തമിഴ്‌നാട് മുഖ്യമന്ത്രി എം കെ സ്റ്റാലിന് കത്തയച്ചിരുന്നു.മുല്ലപെരിയാർ അണക്കെട്ടിലെ ജലനിരപ്പ് കുറക്കുന്നതിന് വേണ്ടി തമിഴ്നാട് കൂടുതൽ ജലം കൊണ്ടുപോകണമെന്നും, സ്വീകരിക്കുന്ന നടപടികൾ 24 മണിക്കൂർ മുൻകൂട്ടി കേരളത്തെ അറിയിക്കണമെന്നും മുഖ്യമന്ത്രി കത്തിൽ ആവശ്യപ്പെട്ടു.