ആപ്പിൾ ഇവന്റ് 2023: ഐഫോൺ 15 സീരീസുകൾ, ആപ്പിൾ വാച്ച് അൾട്രാ 2 എന്നിവ ഔദ്യോഗികമായി പുറത്തിറക്കി, സവിശേഷതകൾ ഇതൊക്കെയാണ്
ആഡംബര ഐഫോൺ 15 പ്രോ മാക്‌സ് അടക്കം ഐഫോൺ 15, ഐഫോൺ 15 പ്ലസ്, ഐഫോൺ 15 പ്രോ തുടങ്ങിയ 4 ഫോണുകളും ആപ്പിൾ വാച്ച് സീരീസ് 9, ആപ്പിൾ വാച്ച് അൾട്ര 2 എന്നീ വാച്ചുകളും ആപ്പിൾ ഔദ്യോഗികമായി പുറത്തിറക്കി. പ്രതീക്ഷിച്ചിരുന്ന വില വർദ്ധനവ് ഉണ്ടായിട്ടുണ്ട്. വണ്ടർലസ്റ്റ് എന്നു പേരിട്ട അവതരണം, ആപ്പിൾ പാർകിലെ സ്റ്റീവ് ജോബ്സ് തീയേറ്ററിൽ വെച്ച് ഓൺലൈനായാണ് നടത്തിയത്. ചാർജ് ചെയ്യുന്നതിനായി യുഎസ്ബി-സി പോർട്ട് ചേർത്തതാണ് ഈ വർഷം ഐഫോണുകളിൽ കൊണ്ടുവന്ന ഏറ്റവും പ്രധാനപ്പെട്ട മാറ്റം. വിപണിയിലെ ആൻഡ്രോയിഡ് ഫോണുകളിലുള്ള ഒരു സ്റ്റാൻഡേർഡ് ഫീച്ചറാണിത്. കമ്പനിയുടെ ആദ്യത്തെ കാർബൺ ന്യൂട്രൽ ഉൽപ്പന്നമാണ് സീരീസ് 9 ആപ്പിൾ. ഈ വർഷം മുതൽ എല്ലാ വാച്ച് നിർമാണവും 100% ക്ലീൻ എനർജിയിൽ പ്രവർത്തിക്കുമെന്ന് കമ്പനി വ്യക്തമാക്കി. വാച്ച് ബാൻഡുകൾ അടക്കമുള്ള എല്ലാ ഉൽപ്പന്നങ്ങളിൽ നിന്നും ആപ്പിൾ തുകൽ ഉപേക്ഷിക്കും.ഐഫോൺ 15ന് ഡൈനാമിക് ഐലൻഡ് നോച്ച്, ചാർജ് ചെയ്യാനുള്ള യുഎസ്ബി-സി പോർട്ട്, 48 എംപി ക്യാമറ എന്നിവയുണ്ടാകും. ഐഫോൺ 15 പ്രോയ്ക്കും, 15 പ്രോ മാക്‌സിനും പുതിയ ടൈറ്റാനിയം ബോഡി ഉണ്ടായിരിക്കും. ഐഫോൺ 15 പ്രോയും, ഐഫോൺ 15 പ്രോ മാക്സും, 48 എംപി പ്രൈമറി ക്യാമറയും അതുപോലെ ഉണ്ടായിരിക്കും. പുതിയ സ്മാർട്ട് വാച്ച് അൾട്രാ 2, സീരീസ് 9 എന്നിവ മികച്ച ബാറ്ററി ബാക്കപ്പും ഡബിൾ ടാപ്പ് അടക്കമുള്ള ഫീച്ചറുകളും വാഗ്ദാനം ചെയ്യുന്നു. • ഐഫോൺ 15 & 15 പ്ലസ്ഐഫോൺ 15ന് 6.1 ഇഞ്ച് ഡിസ്‌പ്ലേയാണെങ്കിൽ ഐഫോൺ 15 പ്ലസിന് 6.7 ഇഞ്ച് പാനലാണുള്ളത്. ഇതിന്റെ ഡിസ്‌പ്ലേയ്ക്ക് 2,000 നിറ്റ്‌സ് പീക്ക് ബ്രൈറ്റ്‌നെസ് ഉണ്ട്. കഴിഞ്ഞ വർഷം ഐഫോൺ 14 പ്രോ ഹാൻഡ്‌സെറ്റുകളിൽ അവതരിപ്പിച്ച എ16 ബയോണിക് ചിപ്പാണ് പുതിയ ഐഫോൺ 15-ൽ. രണ്ടാം തലമുറ അൾട്രാ വൈഡ് ബാൻഡ് ചിപ്പും ഇതിലുണ്ട്. iPhone 15 ന് 799 ഡോളറും, iPhone 15 Plus ന് 899 ഡോളറുമാണ് വില. പിങ്ക്, മഞ്ഞ, പച്ച, നീല, കറുപ്പ് എന്നീ അഞ്ച് നിറങ്ങളിൽ ലഭ്യമാണ്. കട്ടിയുള്ള സെറാമിക് ഗ്ലാസ് ഷീൽഡും, 48എംപി പ്രധാന ക്യാമറയും, 2x ടെലിഫോട്ടോയും ഇതിനുണ്ട്. • 15 പ്രോ, ഐഫോൺ 15 പ്രോ മാക്സ്ആപ്പിൾ പുതിയ ഹൈ-എൻഡ് ഐഫോണുകൾ പ്രഖ്യാപിച്ചു. ടൈറ്റാനിയം ബോഡിയോടെ ഐഫോൺ 15 പ്രോ, ഐഫോൺ 15 പ്രോ എന്നിവയാണ് പ്രഖ്യാപിച്ചത്. ടൈപ് സി കണക്ടർ ഈ മോഡലുകളിലുമെത്തും. മികച്ച പെർഫോമൻസ് നൽകുന്ന ആദ്യ 3 നാനോ ചിപ്പ് ഈ മോഡലുകളിലുണ്ടാവുമെന്നതാണ് ഏറ്റവും വലിയ പ്രത്യേകത. ആക്ഷൻ ബട്ടണുകളും ഉണ്ടായിരിക്കും. രണ്ടും ഈ വെള്ളിയാഴ്ച പ്രീഓർഡറിനും സെപ്റ്റംബർ 22ന് വിൽപ്പനയ്‌ക്കും ലഭ്യമാകും.ഐഫോൺ 15നു സമാനമായി പ്രോയ്ക്ക് 6.1 ഇഞ്ച് സ്‌ക്രീൻ ഉണ്ട്, പ്രോ മാക്‌സിന് 6.7 ഇഞ്ച് ഡിസ്‌പ്ലേയുണ്ട്. A17 പ്രോ ചിപ്പ് ഉയർന്ന ഗെയിമിങ് അനുഭവം നൽകുമെന്ന് ആപ്പിൾ പറയുന്നു. സൂപ്പർ റെറ്റിന എക്സിഡിആർ സംവിധാനമാണ് പ്രോയിലുള്ളത്. 4കെ വിഡിയോകള്‍ ഷൂട്ട് ചെയ്യാനാകും. 15 പ്രോയ്ക്ക് “സ്‌പേഷ്യൽ വീഡിയോ” ക്യാപ്‌ചർ ചെയ്യാൻ കഴിയും. വിഷന്‍ പ്രോയ്ക്കായും വിഡിയോ ഷൂട്ട് ചെയ്യാനാകും• വാച്ച് സീരീസ് 9, വാച്ച് അൾട്രാ 2ഏറ്റവും പുതിയ വാച്ച് സീരീസ് 9, വാച്ച് അൾട്രാ 2 എന്നിവ ആപ്പിൾ പ്രഖ്യാപിച്ചു. ആപ്പിളിന്റെ ഏറ്റവും ശക്തമായ S9ചിപ്പ് ഉണ്ടായിരിക്കും. കോളുകൾ എടുക്കാനും സംഗീതം കേൾക്കാനോ, നിർത്താനോ രണ്ടുതവണ തട്ടിയാൽ മതിയാകുന്ന ഡബിൾ ടാപ് ഫീച്ചറും ലഭ്യമായിരിക്കും. സീരീസ് 9-ൽ ഒറ്റ ചാർജിൽ 18 മണിക്കൂർ ബാറ്ററി ലൈഫും വാച്ച് അൾട്രാ 2-ൽ 36 മണിക്കൂർ വരെ ബാറ്ററി ലൈഫും നൽകുമെന്ന് കമ്പനി പറയുന്നു. ഇന്ത്യയിൽ ആപ്പിൾ വാച്ച് സീരീസ് 9 ന് 41,900 രൂപ വിലയിൽ (യുഎസിൽ $399) ആരംഭിക്കുന്നു, അത് സെപ്റ്റംബർ 22 മുതൽ ലഭ്യമാകും. ആപ്പിൾ ഐഫോൺ കെയ്‌സുകളിൽ നിന്നും വാച്ച് സ്‌ട്രാപ്പുകളിൽ നിന്നും ലെതർ ഒഴിവാക്കുകയും എല്ലാ പാക്കേജിംഗിൽ നിന്നും പ്ലാസ്റ്റിക് ഒഴിവാക്കുകയും മാക്ബുക്ക് കെയ്‌സുകളിൽ 100 ശതമാനം അലുമിനിയം ഉപയോഗിക്കുകയും ചെയ്യുന്നു. 2030-ഓടെ പൂർണമായും കാർബൺ ന്യൂട്രൽ ആകാനാണ് കമ്പനി പദ്ധതിയിടുന്നത്. ആപ്പിളിന്റെ ആദ്യത്തെ കാർബൺ ന്യൂട്രൽ ഉൽപ്പന്നമാണ് വാച്ച് ബാൻഡ്.
