വാളയാർ കേസിൽ പുനരന്വേഷണം:ഉത്തരവിട്ട് പോക്സോ കോടതി

പാലക്കാട്: വാളയാർ കേസിൽ പെൺകുട്ടികളുടെ ദുരൂഹ മരണവുമായി ബന്ധപ്പെട്ട സിബിഐ സമർപ്പിച്ച കുറ്റപത്രം പോക്സോ കോടതി തള്ളി.പെൺകുട്ടികളുടെ അമ്മയുടെ ആവശ്യം പരിഗണിസിച്ചാണ് സിബിഐ തന്നെ കേസ് പുനരന്വേഷിക്കണമെന്ന് കോടതി ഉത്തരവിട്ടത്.

കോടതിയുടെ ഉത്തരവിൽ സന്തോഷമുണ്ടെന്നും സിബിഐ നല്‍കിയ കുറ്റപത്രം തെറ്റാണെന്നും പെണ്‍കുട്ടികളുടെ അമ്മ പ്രതികരിച്ചു. ഇനിയെങ്കിലും കൃത്യമായി അന്വേശിക്കണമെന്നും, മക്കളുടേത് കൊലപാതകം തന്നെയെന്ന് കണ്ടെത്തണമെന്നാണ് ആവശ്യമെന്നും അവർ കൂട്ടിച്ചേർത്തു.

സിബിഐ സമർപ്പിച്ച കുറ്റപത്രത്തിൽ നേരത്തെ ക്രൈംബ്രാഞ്ച് സമർപ്പിച്ച കുറ്റപത്രത്തിൽ നിന്ന് വ്യത്യസ്തമായി ഒന്നുമില്ലായിരുന്നു. പെൺകുട്ടികളുടേത് ആത്മഹത്യ തന്നെയാണെന്നാണ് കുറ്റപത്രത്തിൽ പറഞ്ഞിരുന്നത്. മരണത്തിന് മറ്റൊരു കാരണവും കണ്ടെത്താൻ കഴിഞ്ഞിരുന്നില്ല.