രാജ്യവ്യാപകമായി കോൺഗ്രസ് പ്രതിഷേധം: നേതാക്കൾ അറസ്റ്റിൽ

ന്യൂഡൽഹി: സോ​ണി​യാ ഗാ​ന്ധി​ക്കെ​തി​രെ​യു​ള്ള എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് ന​ട​പ​ടി​യി​ൽ പ്ര​തി​ഷേ​ധി​ച്ച് കോൺഗ്രസ്സ് രാജ്യവ്യാപകമായി പ്രതിഷേധപരിപാടികൾ സംഘടിപ്പിച്ചു. നാഷണൽ ഹെറാൾഡ് കേസുമായി ബന്ധപ്പെട്ട് മൂന്ന് മണിക്കൂറാണ് സോണിയയെ എന്‍ഫോഴ്സ്മെന്‍റ് ‌ഡയറക്ടറേറ്റ് ചോദ്യം ചെയ്തത്.

ഇഡി ഓഫീസിന് മുമ്പിൽ പ്രതിഷേധിച്ച കെ.സി. വേണുഗോപാല്‍, രാജസ്ഥാന്‍ മുഖ്യമന്ത്രി അശോക് ഗെഹ്‌ലോട്ട് തുടങ്ങിയ നേതാക്കൾ അടക്കമുള്ളവരെ പൊലീസ് അറസ്റ്റ് ചെയ്തു. സോണിയ ഇ ഡിക്ക് മുന്നിൽ ഹാജരാകുന്ന സമയം കോൺഗ്രസ് ആസ്ഥാനത്തും പുറത്തും ശക്തമായ പ്രതിഷേധ പരിപാടികൾ കോൺഗ്രസ് സംഘടിപ്പിച്ചു. പലയിടങ്ങളിലും പോലീസും പ്രതിഷേധക്കാരും തമ്മില്‍ ഉന്തും തള്ളും നടന്നു.

ചോദ്യം ചെയ്യൽ നടപടിയിൽ പ്ര​തി​ഷേ​ധി​ച്ച് തി​രു​വ​ന​ന്ത​പു​രം ത​മ്പാ​നൂ​ർ റെ​യി​ൽ​വേ സ്റ്റേ​ഷ​നി​ൽ യൂ​ത്ത് കോ​ൺ​ഗ്ര​സ് സം​സ്ഥാ​ന അ​ധ്യ​ക്ഷ​ൻ ഷാ​ഫി പ​റ​മ്പി​ലി​ന്‍റെ നേ​തൃ​ത്വ​ത്തി​ലെ​ത്തി​യ പ്ര​വ​ർ​ത്ത​ക​ർ ട്രെ​യി​നു​ക​ൾ ത​ട​ഞ്ഞു. ചെ​ന്നൈ സെ​ൻ​ട്ര​ലി​ലേ​ക്ക് പോ​കേ​ണ്ട ട്രെ​യി​നി​ന്‍റെ മു​ക​ളി​ൽ ക​യ​റി​യ പ്ര​തി​ഷേ​ധ​ക്കാ​ർ പ്രധാനമന്ത്രി നരേന്ദ്രമോദിക്കും ഇ​ഡി​ക്കു​മെ​തി​രെ മു​ദ്രാ​വാ​ക്യം മു​ഴ​ക്കി. ഇ​വ​രെ അ​നു​ന​യി​പ്പി​ക്കാ​ൻ പോ​ലീ​സും റെ​യി​ൽ​വേ പോ​ലീ​സും ശ്ര​മി​ച്ചു​വെ​ങ്കി​ലും വ​ഴ​ങ്ങാ​ൻ ഇ​വ​ർ കൂ​ട്ടാ​ക്കി​യി​ല്ല. സംഭവസ്ഥലത്ത് എത്തിച്ചേർന്ന പൊലീസ് യൂത്ത് കോൺഗ്രസ് പ്രവർത്തകരെ അറസ്റ്റ് ചെയ്ത് നീക്കി

ഉച്ചയ്ക്ക് 12മണിയോടെ കോൺഗ്രസ് ആസ്ഥാനത്ത് നിന്നും പ്രിയങ്ക ഗാന്ധിയ്‌ക്കൊപ്പം വാഹനത്തിലാണ് സോണിയ ഇ ഡി ഓഫീസാലെത്തിയത്. പാർട്ടി എം പിമാരും കോൺഗ്രസ് പ്രവർത്തക സമിതി അംഗങ്ങളും മുഖ്യമന്ത്രിമാരും സോണിയയെ അനുഗമിച്ചു. സുരക്ഷ ശക്തമാക്കുന്നതിന്റെ ഭാഗമായി ഡൽഹി പൊലീസ് എ ഐ സി സി ആസ്ഥാനത്തുൾപ്പടെ നിരോധനാജ്ഞ പ്രഖ്യാപിച്ചെങ്കിലും ഇതുലംഘിച്ച് പാർട്ടി പ്രവർത്തകർ സോണിയാഗാന്ധിക്ക് അഭിവാദ്യമർപ്പിക്കാൻ എത്തുകയായിരുന്നു