പനവല്ലിയിൽ വീണ്ടും കടുവയുടെ ആക്രമണം; പശുക്കുട്ടിയെ കടിച്ചുകൊന്നു
വയനാട് പനവല്ലിയിൽ വീണ്ടും കടുവയുടെ ആക്രമണം. ഇന്നലെ ഉണ്ടായ ആക്രമണത്തിൽ വരകിൽ വിജയന്റെ എട്ട് മാസം പ്രായമുള്ള പശുക്കുട്ടി ചത്തു. പുളിക്കൽ റോസയുടെ പശുക്കിടാവിന് പരുക്കേറ്റിട്ടുമുണ്ട്. കഴിഞ്ഞയാഴ്ച ഈ പ്രദേശത്ത് തന്നെ മാത്യുവിന്റെ പശുവിനെയും കടുവ കൊന്നിരുന്നു.
കുറച്ചു കാലമായി ഈ മേഖലയിൽ കടുവയുടെ സാന്നിധ്യമുണ്ട്. പ്രദേശവാസികളുടെ വളർത്ത് മൃഗങ്ങളെ കടുവ കടിച്ചുകൊല്ലുകയാണ്. പുറത്തിറങ്ങാൻ പോലും ജനങ്ങൾക്ക് ഇപ്പോൾ ഭയമാണ്. കടുവയെ കൂട് വെച്ച് പിടികൂടണമെന്നാണ് നാട്ടുകാർ ആവശ്യപ്പെടുന്നത്.
